yassine 3ayyari: :smileJap:
Citation[right]هيا فماشي تلاثة نساء أخرين يحبو يعرسو، أنا حاضر ؟ هاني نشوف في النتائج الافتراضية على الفايسبوك بدا نبيل القروي يطول في اللحية؟ برشة أصوات مشات للنهضة كعقاب للأخرين خاطر حديثهم و برنامجهم تلخص في انهم ضد النهضة و كملت نسمة ردة النهضة هي الإسلام قلتلكم الي التوانسة راهم ماهمش فايسبوك، و الي التوانسة محافظين، رديتوني النهضة تخلص فيا الشعب فيه برشة جهل و تخلف أما ما يتلامش، شكون هبطلو و فهمو و قربلو ؟، اللوم الكل على النخب، كيفاه تحبو الشعب يطلع مستواه الفكري و الثقافي و النخب متاعنا أقصى اهتماماتها الحجاب و النقاب و جنوب تونس هو الحمامات و التقافة ينتجوها لرواحهم في الصالونات باش يدبرو بيها شوية دعم و الا وسام بن علي و الا ليجيون د هونور؟ مبروك على النهضة (كان النتائج الإفتراضية قريبة للصحة)، مبروك للتوانسة انتخاباتهم و بعد ما توفى الفوفعة و يعاودو قلابة الفيستة يقلبو مرة أخرى ، بش نقعد معارض للنهضة ، كيما عارضت بن علي و الغنوشي و السبسي و مهما كان الثمن، موش بالسبان و التصاور و تفوريخ البسودوات على الفايسبوك لكن بالعمل الميداني و القرب من الناس. مازال عمري تلاثين سنة و تونس الي نحلم بيها لولدي فيها النهضة لكن ماتحكمش فيها النهضة. و رسالة عاجلة لكل مسؤولي الأحزاب، و خاصة النهضة : أطروا قواعدكم ملييييح لأنو الفرق في المستوى بين القواعد و القيادات رهيب.[/right]